Ամերիկացի դերասան Ալեք Բոլդուինից խնդրել են լքել American Airlines ավիաընկերությանը պատկանող օդանավը այն բանից հետո, երբ նա հրաժարվել էր չխաղալ Words with Friends խաղը իր սմարթֆոնով:
Ինչպես հայտնում է Reuters գործակալությունը, միջադեպը տեղի է ունեցել այն ժամանակ, երբ Լոս Անջելոսի միջազգային օդանավակայանում ինքնաթիռը սպասել է թռիչքի:
Բոլդուինի մամուլի քարտուղարի խոսքերով՝ դերասանը այնքան է սիրում Words with Friends խաղը, որ գերադասել է հրաժարվել թռիչքից, քան այն դադարեցնել: Նույն օրը՝ ավելի ուշ, Բոլդուինին հաջողվել է այլ չվերթով վերադառնալ Նյու Յորք:
Դերասանը Twitter-ի իր էջում գրել է, որ դա իր «վերջին թռիչքն էր» American Airlines-ի ինքնաթիռներով, որի անձնակազմը, ըստ դերասանի, կազմված է «1950-ական թվականների պաշտոնաթող ֆիզկուլտուրայի ուսուցիչներից»: