Իտալիայի վարչապետ Մարիո Մոնտին հայտարարել է, որ հակաճգնաժամային միջոցառումների իր ծրագիրը միակ միջոցն է՝ երկրի տնտեսական խնդիրները լուծելու համար: Այս մասին հաղորդում է BBC-ն:
Մոնտին ասել է, որ տնտեսման միջոցառումներից հրաժարվելն Իտալիային կխորտակի ճգնաժամի մեջ, և երկրում կլինի նույնը, ինչ եղել էր Հունաստանում:
Բյուջետային տնտեսման միջոցառումների փաթեթը կիրակի օրը հավանության է արժանացել կառավարության կողմից, և երկուշաբթի օրը ներկայացվել է Իտալիայի խորհրդարանի քննարկմանը:
Այն իր մեջ ներառում է հարկերի բարձրացում, ծախսերի և կենսաթոշակային բարեփոխումների համակարգի ֆինանսավորման նվազեցում:
