Գերմանիայի Կոբլենց քաղաքում վնասազերծվել է Երկրորդ համաշխարհային պատերազմից մնացած ռումբ: Ինչպես հաղորդում է BBC-ն, վնասազերծման աշխատանքները տևել են շուրջ 3 ժամ և դարձել 1945 թ.-ից հետո Գերմանիայում անցկացված նմանատիպ ամենամեծ գործողությունը:
1.8 տոննա կշռով ավիառումբը, որը Երկրորդ համաշխարհային պատերազմի տարիներին Կոբլենցի վրա գցել էր բրիտանական օդուժը, հայտնաբերվել է նոյեմբերի վերջին՝ Հռենոս գետում, որը երաշտի պատճառով խիստ ցամաքել էր: Ոչ հեռու գտնվել է ավելի փոքր չափի ամերիկյան ռումբ:
Կոբլենցում ռումբի գտնվելու վայրից 2 կիլոմետր շառավղով տարածության վրա բնակչությանը տարհանել են: Ընդհանուր առմամբ տարհանվել է շուրջ 45 հազար մարդ:
Փորձագետները կանխատեսում են, որ Հռենոսի ջրի նվազման հետ կհայտնաբերվեն Երկրորդ աշխարհամարտից մնացած այլ չպայթած ռումբեր ևս: Ընդհանուր առմամբ, 1943-1945 թթ. Կոբլենցի վրա նետվել է շուրջ 250 հզոր ավիառումբ, որոնց մի մասը չի պայթել և մինչ օրս չի հայտնաբերվել:
