Վատիկանի գլխավոր էկզորցիստ Հայր Գաբրիել Ամորֆը յոգան անվանել է սատանիզմ: 85-ամյա քահանան գտնում է, որ յոգայով զբաղվելը հանգեցնում է չարիքի:
Ինչպես գրում է Tha Sun թերթը, Հայր Գաբրիել Ամորֆի կարծիքով՝ թվում է, թե յոգան իրենից ոչ մի վնաս չի ներկայացնում, քանի որ ենթադրում է մարմնի թուլացում, սակայն իրականում այն սատանայի ձեռքի գործն է, քանի որ կապված է արևելյան հավատալիքների հետ, որոնց հիմքում ընկած է վերամարմնավորման կեղծ հավատը: Նա գտնում է, որ յոգայից պետք է հեռու մնալ:
Բացի այդ, քահանան սատանիզմին է վերագրել Հարրի Փոթերի մասին գրքերը: Նրա կարծիքով՝ այդ գրքերը կապված են կախարդության հետ, իսկ դա նշանակում է, որ այն տանում է դեպի սատանայություն:
Յոգայի իտալական ասոցիացիան քահանայի հայտարարությունն անվանել է վրդովեցնող` հիշեցնելով, որ յոգան կրոնական գործողություն չէ:
