«Չինաստան մեկնած ԲՀԿ-ական պատգամավոր Ռուստամ Գասպարյանը, ում բացակայության ժամանակ կրակել էին նրա տան մոտակայքում, երեկ վերադարձել է հանրապետություն»,- գրում է «Ժողովուրդ»-ը:
Թերթին տված հարցազրույցում պատգամավորն ասել է, որ ինքը ոչ մի տեղ փախած չի եղել, և ավելին, մնալու և պայքարելու է մեծամասնական ընտրակարգով ԱԺ պատգամավոր դառնալու համար: «Ես ուրիշների մասին չասեմ, իմ մասին ասեմ: Մեզ մոտ արդեն հստակեցված է, ես առաջադրվելու եմ»,- ասել է Ռուստամ Գասպարյանը` ի պատասխան «Ժողովուրդ»-ի այն հարցի, թե իրենց կուսակցությունում արդեն որոշված է մեծամասնական ընտրակարգով ԲՀԿ թեկնածուների ցանկը:
ԵԿՄ անդամ Գասպարյանը նաև ասել է, որ ճանաչում է թմրանյութ պահելու կասկածանքով ձերբակալված երեք ԲՀԿ-ականներին և կարող է ասել, որ նրանք իր վրա թմրամոլի տպավորություն չեն թողնում:
