ՀՀ պաշտպանության նախարարության տեղեկատվության և հասարակայնության հետ կապերի վարչությունից «Առաջին լրատվական»-ին տեղեկացնում են, որ ՀՀ Ազգային հերոս Մովսես Գորգիսյանի ծննդյան 50-րդ տարեդարձի կապակցությամբ վաղը` դեկտեմբերի 3-ին, տեղի կունենան հետևյալ միջոցառումները.
ժամը 11.00-ին նախատեսված է այցելություն «Ծիծեռնակաբերդ» հուշահամալիր, հիշատակի տուրքի և պսակադրության արարողություն Մ. Գորգիսյանի շիրիմի և Հայոց ցեղասպանության զոհերի հիշատակը հավերժացնող հուշահամալիրի մոտ:
Ժամը 12.00-ին ՀՀ Ազգային հերոսի ծննդյան 50-րդ տարեդարձին նվիրված հանդիսավոր միջոցառում տեղի կունենա Առնո Բաբաջանյան համերգասրահում:
Միջոցառման մասնակիցներին տեղափոխող ավտոբուսները կմեկնեն դեկտեմբերի 3-ին` ժամը 10:30-ին, Ստեփան Շահումյանի անվան հրապարակից:
