Արևելյան գործընկերության (ԱլԳ) քաղաքացիական հասարակության համաժողովի (ՔՀՀ) ղեկավար կոմիտեի անդամներ Աբգար Եղոյանի և Բորիս Նավասարդյանի
հայտարարությունը:
Մենք՝ ներքոստորագրյալներս,
– վերահաստատելով մեր համաձայնությունը ս.թ. հոկտեմբերի 21-ին ՔՀՀ Հայաստանի ազգային պլատֆորմի (ՀԱՊ) նախաձեռնող խմբի (ՆԽ) անդամների եւ ՔՀՀ 25 կազմակերպությունների՝ ս.թ. նոյեմբերի 4-ին տարածած հայտարարություններին,
– համարելով, որ 2010 թ. սեպտեմբերի 16-ից ի վեր ԱլԳ ՔՀՀ ՀԱՊ Համակարգող խորհրդի կայացրած որոշումներն անհիմն են, դրանց ընդունումը դուրս է Համակարգող խորհրդի լիազորություններից, եւ դրանք չեն համապատասխանում ՀԱՊ կանոնակարգին,
– նկատի ունենալով ՀԱՊ Համակարգող խորհրդի կազմից 7 հոգու դուրս գալու իրողությունը,
– միանալով ՀԱՊ անդամ այն կազմակերպությունների պնդմանը, որ մինչեւ ՀԱՊ 2-րդ ընդհանուր ժողովը Պլատֆորմի համալրման մասին ՀԽ ներկայիս կազմի որոշումը հակասում է ՀԱՊ ընդունված կանոնակարգին եւ ձեռք բերված պայմանավորվածություններին,
Հայտարարում ենք.
1. մենք չենք ընդունում ՀԱՊ Համակարգող խորհրդի ներկայիս կազմի՝ ՀԱՊ ընդհանուր ժողով հրավիրելու եւ ՀԱՊ համալրում իրականացնելու իրավասությունը,
2. մերժում ենք Համակարգող խորհրդի առաջիկա նիստին մեր մասնակցության հրավերը,
3. շարունակում ենք մնալ այն համոզման, որ ՀԱՊ ընդհանուր ժողովը պետք է հրավիրվի ՔՀ 1-ին եւ 2-րդ համաժողովների մասնակիցներից կազմված կազմկոմիտի կողմից, քանի որ հենց նրանց ջանքերով է ձեւավորվել ՔՀՀ Հայաստանի ազգային պլատֆորմը, եւ Հայաստանի քաղաքացիական հասարակության կազմակերպությունները հաջողությամբ ներկայացվել են ՔՀ 2-րդ համաժողովին։
ԱլԳ ՔՀՀ Ղեկավար կոմիտեի անդամներ՝
Աբգար Եղոյան, ՔՀՀ Հայաստանի ազգային համակարգող
Բորիս Նավասարդյան, ՔՀՀ աշխատանքային 1-ին խմբի համակարգող