Սերբիայի նախագահ Բորիս Տադիչը կոչ է արել Կոսովոյի սերբերին վերացնել բարիկադները, որ նրանք կառուցել են երկրի հյուսիսում:
BBC-ի հաղորդմամբ՝ նախագահը հայտարարել է, որ իրավիճակը փակուղի է մտել և կասկածի տակ է դնում Եվրամիությանն անդամակցելու Բելգրադի դիմումի ընդունումը:
Տադիչը դիմել է նաև ՆԱՏՕ-ին` կոչ անելով ուժ չգործադրել: «Մենք գտնվում ենք արատավոր շրջանի մեջ, որից ելք չկա, և միայն քաղաքական ծայրահեղականները կարող են օգուտ քաղել նման իրավիճակից»,-հայտարարել է Սերբիայի նախագահը:
Վերջերս բախումներ են տեղի ունեցել սերբերի և խաղաղապահ ուժերի միջև, ինչի արդյունքում երկու կողմերից էլ վիրավորներ կան: