Նոյեմբերի 27-ին լրացավ Ուկրաինայի նախկին վարչապետ Յուլյա Տիմոշենկոյի 51-ամյակը: Նրա ծննդյան օրվա առթիվ Տիմոշենկոյի կողմնակիցները մեկուսարանի պատերի տակ կազմակերպել են ցույց և «Ծաղիկ՝ Յուլյայի համար» ակցիան:
Ինչպես հայտնում է Корреспондент.net-ը, մեկուսարանի շենքի մոտ հավաքվել էին մի քանի տասնյակ մարդ: Նրանցից շատերը ձեռքերում պահել էին մեծ թղթե սրտեր` «Ծնունդդ շնորհավոր» մակագրությամբ: Մեկուսարանի դռները և դարպասները ցուցարարները զարդարել էին Տիմոշենկոյի դիմանկարներով, իսկ պատերին՝ փակցրել ծաղիկներ: Նրանք նաև Տիմոշենկոյին բերել էին վարդերից պատրաստած սիրտ:
Մեկուսարանի մոտ հերթապահում էին ոստիկանները, որոնք արգելափակել էին բակի մուտքերը, կաթվածահար էր եղել այդ շրջանի երթևեկությունը: