Անցած գիշեր ABC հեռուստաալիքը հեռարձակել է A Very Gaga Thanksgiving հատուկ թողարկումը, որտեղ երգչուհին խոսել է ընտանիքի, Գոհաբանության տոնի, հնդկահավի, ինչպես նաև իր հետ կատարված տարօրինակ դեպքերի մասին:
Pop Blend-ը գրում է, որ ամենատարօրինակ դեպքը նրա հետ վերջերս է պատահել՝ երգիչ Թոնի Բենեթի հետ հանդիպումներից մեկի ժամանակ:
Ինչպես պարզվում է, Լեդի Գագան մերկացել է Բենեթի առջև, որպեսզի երգիչը կարողանա նկարել իրեն՝ Vanity Fair ամսագրի նոր թողարկման համար: Սկզբում նրանց երկուսին միավորել է երաժշտությունը, բայց թե ինչպես է Գագան մերկ հայտնվել երգչի առջև, ինքն էլ այնքան լավ չի հասկանում:
Նա ասել է. «Ես մտա ներս, ասացի՝ ահա և ես, Թոնի։ Հետո գցեցի թիկնոցս և ընդունեցի դիրքս: Ես ամոթ զգացի և մտածեցի՝ սա Թոնի Բենեթն է: Ինչո՞ւ եմ ես մերկ»:
Թոնի Բենեթը հայտնի է որպես երաժիշտ, բայց նա նաև մեծ հաջողություններ ունի որպես նկարիչ: Նրա աշխատանքներին կարելի է ծանոթանալ աշխարհի բոլոր թանգարաններում, և հենց այդ պատճառով էլ այս դեպքն այնքան էլ տարօրինակ չէ, որքան որ կարող էր թվալ սկզբում:
