Մալայզիայի դատարանը ԱՄՆ նախկին նախագահ Ջորջ Բուշ-Կրտսերին և Մեծ Բրիտանիայի վարչապետ Թոնի Բլերին մեղավոր է ճանաչել Իրաքի պատերազմի ժամանակ «խաղաղության դեմ հանցագործության համար»:
Ինչպես հաղորդում է Agence France-Presse-ը, դատական նիստը շարունակվել է 4 օր, երկու մեղադրյալներին էլ դատել են հեռակա: Երկարատև քննարկումներից հետո տրիբունալի 7 անդամները միաձայն մեղավոր են ճանաչել ամբաստանյալներին Իրաք ներխուժման ժամանակ նրանց անօրինական և ամբողջ աշխարհին սպառնացող գործողությունների համար:
«Ապացույցները վկայում են, որ ներխուժումից դեռ շատ առաջ արդեն նրանք զարկում էին պատերազմի թմբուկները,- ասվում է տրիբունալի հայտարարության մեջ: – Մեղադրյալներն իրենց հուշերում խոստովանել են, որ պատրաստվում էին հարձակվել Իրաքի վրա` հաշվի չառնելով միջազգային իրավունքը»:
Դատարանի որոշումը խորհրդանշական բնույթ ունի, քանի որ այն ոչ մի իրավական կարգավիճակ չունի:
«Կուալա-Լումպուրեի ռազմական հանցագործությունների տրիբունալը» հիմնվել է 2007 թ. Մալայզիայի նախկին վարչապետ Մահաթիր Մոհամմադի կողմից, որը հայտնի է իրաքյան արշավանքի նկատմամբ իր բացասական վերաբերմունքով: