Հայ շախմատիստ, միջազգային գրոսմայստեր Լևոն Արոնյանը բացել է իր անձնական էջը Twitter միկրոբլոգում:
Facebook-ի իր էջում Լ. Արոնյանը գրել է, որ իր հանգստյան օրվա համար ուներ երեք տարբերակ՝ այցելել Մոսկվայի տեսարժան վայրեր, գնալ «Մեծ» թատրոն, էջ բացել Twitter-ում։
Ինչպես հաղորդում է «Մեդիամաքս» գործակալությունը, շախմատիստը նախապատվությունը տվել է վերջին տարբերակին:
Twitter-ի իր էջի առաջին գրառման մեջ Լ. Արոնյանն ասել է, որ մտադիր է պայքարել իր անունից հանդես եկող օգտատիրոջ դեմ։
Լ. Արոնյանը մասնակցում է Մոսկվայում ընթացող Միխայիլ Տալի հիշատակին նվիրված մրցաշարին:
5-րդ տուրում նա կիսել է միավորները Հիկարու Նակամուրայի (ԱՄՆ) հետ: Լ. Արոնյանը 3 միավոր է վաստակել և շարունակում է գլխավորել մրցաշարային աղյուսակը:
Վաղը Արոնյանը կխաղա Բորիս Գելֆանդի (Իսրայել) հետ: