2011 թ. հոկտեմբերին 2010-ի նույն ժամանակաշրջանի համեմատ առևտրի շրջանառությունն ավելացել է 2.8%-ով (նախորդ ամսվա համեմատ անկումը 3.6% էր), արտաքին առևտրաշրջանառությունն ավելացել է 21.1%-ով՝ կազմելով 504.1 մլն դոլար (նախորդ ամսվա համեմատ անկումը կազմել է 4%):
Ազգային վիճակագրական ծառայության այսօր հրապարակած տվյալներում ուշագրավ են արտահանման և ներմուծման ցուցանիշները. աճի միտումները գրեթե հավասար են, համապատասխանաբար՝ 21.3% և 21.1%, սակայն եթե 2011 թ. հոկտեմբերին սեպտեմբերի համեմատ ներմուծումն աճել է 2.3%-ով, ապա արտահանումը նվազել է 21%-ով: Ներմուծման ընդհանուր ծավալները (391.2 մլն դոլար) 3.5 անգամ գերազանցում են արտահանման ծավալներին (112.9 մլն դոլար):
Միջին ամսական աշխատավարձն այս տարվա սեպտեմբերին նախորդ տարվա սեպտեմբերի համեմատ ավելացել է 6.7%-ով՝ կազմելով 114,402 դրամ, իսկ սպառողական գների ինդեքսն ավելացել է 5.7%-ով:
