Մարկ Շագալի հազվագյուտ երեք նկարներ հանվել են Sotheby’s աճուրդի: Այդ նկարներում պատկերված են երեք տարբեր սինագոգերի ինետերյերներ:
Կտավների եզակիությունն այն է, որ Շագալն ունի ավարտին հասցված ընդամենը վեց նկար, որոնք արվել են յուղաներկով և պատկերում են սինագոգ կամ նրա ինետյերը: Երեք նկարները գնահատվում են 1.6 միլիոն դոլար: Ամենաթանկը, համաձայն նախնական գնահատականների, կարող է վաճառվել 400-ից 600 հազար դոլարով:
Ինչպես հայտնում է Associated Press գործակալությունը՝ հղում անելով աճուրդի տան հաղորդագրությանը, նկարները նախկինում երբեք աճուրդի չեն հանվել: Այն վաճառում է հավաքածուների սիրահար Մարքս Քոթթինի ժառանգը: Քոթթինը կտավները գնել էր 1945 թվականին ցուցադրության ժամանակ:
Շագալի նկարները վաճառվելու են իսրայելական և միջազգային արվեստի աճուրդում, որը կայանալու է դեկտեմբերի 14-ին Նյու Յորքում:
