Իտալական դատարանը հանգստյան օրերին ավելի քան 100 մարդու մեղավոր է ճանաչել «նդրանգետա» խոշոր մաֆիոզ կլանի հետ կապեր ունենալու մեջ և դատապարտել է տարբեր ժամկետների ազատազրկման:
Ինչպես հայտնում է Corriere della Sera թերթը, «նդրանգետայի» անդամները փորձել են ազդել տեղական իշխանությունների վրա: Դատապարվածների թվում է նաև տեղական քաղաքական գործիչներից մեկը, որն ակտիվորեն համագործակցում էր մաֆիայի հետ:
Դատարանի վճռով՝ ամենամեծ բանտային ժամկետը ստացել է Ալեսանդրո Մաննոն` 16 տարի ազատազրկում: Մնացած հանցագործները դատապարտվել են 4-ից 15 տարի ազատազրկման: Սա Իտալիայի արդարադատության պատմության մեջ ամենախոշոր դատական գործընթացն էր:
Իտալիայում ավանդաբար գոյություն ունեն և միմյանց հետ համագործակցում են երեք խմբավորումներ, որոնց գործունեությունը կրում է միջազգային բնույթ` կալաբրիական «նդրանգետան», նեապոլյան «կամորան», ինչպես նաև Իտալիայի տարածքից դուրս գործող «Կոզա Նոստրան»:
