Թուրքմենստանի ԱԳՆ-ն ԶԼՄ-ներին արած հատուկ հայտարարության մեջ քննադատության է ենթարկել Գազպրոմի նախագահի տեղակալ Ալեքսանդր Մեդվեդևի արած արտահայտությունները: Վերջինս անվստահություն է հայտնել Աշխաբադում գազի նոր հանքավայր գտնելու պաշտոնական տեղեկատվության վերաբերյալ: Այս մասին հաղորդում է BBC-ն:
Թուրքմենեստանի իշխանությունները գազի պաշարները գնահատում են 26,2 տրիլիոն մետր–խորանարդ՝ հիմնվելով բրիտանական Gaffney–Cline Associates ընկերության տվյալների վրա:
«Այս կարգի արտահայտությունները Գազպրոմի ներկայացուցչի կողմից, ով կասկածի տակ է դնում Թուրքմենիայում բնական գազի պաշարների մասին պաշտոնական տեղեկատվությունը, հանդիսանում են սխալ և անհարգալից վերաբերմունք էներգետիկայի ոլորտում եղած գործընկերների վերաբերյալ»,-հայտարարել են Թուրքմենիայի ԱԳՆ-ից: