Հռոմի պապ Բենեդիկտոսը այցելելով Բենին՝ կոչ է արել աֆրիկացի առաջնորդներին չզրկել մարդկանց իրենց ապագայից` դժոխքի վերածելով նրանց ներկան: Այս մասին, BBC-ի հաղորդմամբ, նա հայտարարել է երկրի խոշորագույն քաղաքում` Կոտոնում ելույթ ունենալիս:
Նա նաև քննադատել է կոռուպցիան, ագահությունը և անարդարությունը: BBC-ի թղթակիցը Վատիկանում ասել է՝սա ամենակոշտ մեկնաբանություններից մեկն է, որ նա երբևիցե նրանից լսել է:
Հետագայում Հռոմի պապը կներկայացնի փաստաթուղթ, որում կհայտնի իր տեսակետը՝ կապված Աֆրիկայում կաթոլիկ եկեղեցու ապագայի հետ:
