Հայաստանի և Վրաստանի առևտրաշրջանառությունը 9 ամսում ավելացել է 15.9%-ով: 2011 թ. հունվար-սեպտեմբերին առևտրաշրջանառությունը կազմել է 26 մլն 34.9 հզ. դոլար, որից արտահանումը՝ 54 մլն 704.7 հզ. դոլար, ներմուծումը՝ 20 մլն 330.2 հզ. դոլար:
2010 թ.-ի նույն ժամանակաշրջանում առևտրաշրջանառությունը կազմել է 21 մլն 899.1 հզ. դոլար, որից արտահանումը՝ 4 մլն 49.5 հզ. դոլար, ներմուծումը՝ 17 մլն 849.6 հզ. դոլար:
Մեր երկրից Վրաստան է արտահանվում հիմնականում ցեմենտ, սուրճ, պլաստիկ նյութեր, բանջարեղեն, էլեկտրաէներգիա: Կոնյակի արտահանումը չնչին է, քանի որ վրացիներն ավելի շատ գինու երկրպագու են: Վրաստանից ներկրում ենք փայտ, հանքային ջրեր, լիմոնադ, նույնիսկ պեպսի, պտուղ-բանջարեղեն և այլն:
Նկատենք, որ Վրաստանից ներկրման ծավալներում արտացոլվում է նաև Թուրքիայից Հայաստան ներմուծվող ապրանքը:
Հիշեցնենք, որ Վրաստանի Ազգային վիճակագրական ծառայության տվյալներով, ըստ արտահանման ծավալների Հայաստանը 4-րդ տեղում է (ընդհանուր ծավալների 10.4%):
