Ռուսաստանը ողջունում է Եվրոպայի ջանքերը` ուղղված տնտեսական դժվարությունները հաղթահարելուն և պատրաստ է իր կողմից օգնություն ցուցաբերել: Այդպիսի առաջարկությամբ է հանդես եկել ՌԴ վարչապետ Վլադիմիր Պուտինը` Ֆրանսիայի իր պաշտոնակից Ֆրանսուա Ֆիյոնի հետ հանդիպման ժամանակ: Ֆրանսիայի վարչապետը Մոսկվա էր ժամանել երկու երկրների միջկառավարական հանձնաժողովի նիստին մասնակցելու համար:
Ինչպես հայնում է Вести-ն, սա ռուս-ֆրանսիական հանձնաժողովի արդեն 16-րդ նիստն է:
Հաջորդ թեման վերաբերում էր Սիրիայում տիրող իրավիճակին: Ֆրանսիան, Գերմանիան և Մեծ Բրիտանիան նախապատրաստել էին բանաձևի նախագիծ, որը քննադատում է Բաշար Ալ-Ասադի վարչակարգը: Նրանք այն ներկայացրել էին ՄԱԿ-ում, սակայն բանաձևի վրա վետո դրեցին Ռուսաստանը և Չինաստանը:
Պուտինն ասել է, որ ՌԴ արտաքին գործերի նախարարությունն ուսումնասիրում է իրադրությունը, հաշվարկում է տարածաշրջանում դեպքերի զարգացման հնարավոր տարբերակները: Ռուսաստանը գտնում է, որ սիրիացի ժողովուրդն ինքը պետք է որոշի Սիրիայի ճակատագիրը: Պուտինը նշել է, որ ոչ մի ուժ չպետք է կիրառել այդ տիպի խնդիրները լուծելու համար: Ռուսաստանը պատրաստ է աշխատել միջազգային բոլոր կառույցների հետ, սակայն կոչ է անում զուսպ և հետևողական լինել` հայտնելով, որ այդպիսին է լինելու Ռուսաստանի դիրքորոշումը:
Պուտինը և Ֆիյոնը ստորագրել են միջուկային բնագավառում համագործակցության հուշագիր: Չնայած Ճապոնայի «Ֆուկուսիմա-1» ատոմակայանում տեղի ունեցած վթարին, երկրները չեն հրաժարվում կիրառել խաղաղ ատոմը և մտադիր են համատեղ ուժերով ապահովել ատոմակայանի անվտանգությունը:
