Ադրբեջանական APA լրատվական գործակալության փոխանցմամբ՝ Ադրբեջանում ԵՄ-ի ներկայացուցչության ղեկավար Ռոլանդ Կոբիան հայտարարել է, որ Եվրահանձնաժողովի փոխնախագահ, տրանսպորտային հարցերի պատասխանատու Սիյմ Կալասի ադրբեջանական այցը շրջադարձային կդառնա միացյալ ավիատիրույթի ստեղծման շուրջ Ադրբեջանի հետ բանակցություններ սկսելու հարցում։
Կոբիան նշել է. «Ընդհանուր ավիատիրույթի ստեղծումը հնարավորություն է տալիս բացել և ինտեգրել ավիացիոն շուկաներ, օպերատորների ու սպառողների մրցակցության համար հավասար պայմաններ ստեղծել և ամենագլխավորը՝ անվտանգության տեսանկյունից բարձր մակարդակի հասցնել թռիչքների անվտանգությունն ու օդային տեղաշարժի ղեկավարումը»։
Նշվում է, որ Կալասն Ադրբեջանում է գտնվելու նոյեմբերի 19-22-։ Ադրբեջանում նա հանդիպումներ է ունենալու նախագահ Իլհամ Ալիևի, վարչապետ Արթուր Ռասիզադեի, տրանսպորտի նախարար Զիյա Մամեդովի ու արդյունաբերության և էներգետիկայի նախարար Նատիգ Ալիևի հետ։
Հիշեցնենք, որ Էստոնիայի նախկին վարչապետ Սիյմ Կալասն իր ներկայիս պաշտոնին է անցել 2004 թվականին։
