Ամերիկյան աերոտիեզերական NASA գործակալությունը ցուցադրել է Լուսնի նոր քարտեզը: Ինչպես հայտնում է BBC-ն, դրա օգնությամբ գիտնականները հնարավորություն կստանան պատկերել Երկրի արբանյակի ճշգրիտ ձևը:
Քարտեզը կազմվել է 2009 թվականի հունիսին ամերիկացիների կողմից Լուսին ուղարկված Lunar Reconnaisance Orbiter ուղեծրային զոնդի տվյալների օգնությամբ: Տիեզերական սարքը հագեցած է վեց չափման գործիքներով՝ ներառյալ լայնանկյուն լուսանկարչական ապարատը և լազերային բարձրաչափը:
Նկարների վրա բացվում է թմբերով և ավազներով լի ամբողջական Լուսինի մակերեսը: Ամենափոքր բարձրությունը, որ կարելի է տեսնել, հավասար է ֆուտբոլի երկու դաշտերի մեծությանը:
Այս նոր տվյալները թույլ կտան ավելի լավ հասկանալ հրաբուխները և Լուսնի վրա տեղի ունեցող այլ գործընթացները, որոնք ապագայում պետք են գալու դեպի Լուսին մարդկանց և ռոբոտների թռիչքների համար: