BBC News-ը հաղորդում է, որ գիտնականների հավաստմամբ՝ նրանք հիմա կարող են բացատրել Երկիր մոլորակի ամենաառեղծվածային լեռների գոյությունը:
Գամբուռցև լեռները եվրոպական Ալպերի չափերն ունեն, բայց ամբողջովին թաղված են Անտարկտիդայի սառույցների տակ:
Բացահայտումը 1950 թվականին մեծ զարմանք առաջացրեց: Մարդկանց մեծ մասը կարծում էր, որ մայրցամաքի խորքում գտնվող ժայռաբեկորները հարթ և անարտահայտիչ պետք է լինեին:
Հետազոտության արդյունքները ցույց են տալիս, որ լեռնաշղթան ձևավորվել է մոտավորապես մեկ միլիարդ տարի առաջ, Nature ամսագրին հայտնել են հետազոտողները: Այս լեռները կարևոր են, քանի որ ենթադրվում է, որ գտնվում են այն տարածքում, որտեղից սառույցը սկսել է տարածվել ողջ Անտարկտիդայով մեկ:
Լեռների պատմության բացահայտումը գիտնականներին թույլ կտա հասկանալ ոչ միայն այն, թե Երկիր մոլորակը ինչպիսին է եղել անցյալում, այլ նաև պատկերացում կազմել ապագա Երկրի մասին:
