Forbes ամսագիրը հրապարակել է Աֆրիկայի 40 ամենահարուստ մարդկանց ցուցակը, որպեսզի, ինչպես ասում են հետազոտության հեղինակները, «աշխարհին ցույց տան մայրցամաքի աճող կարևորությունը»:
Կապիտալի ընդահուր գումար 64.9 միլիարդ դոլար է, որով աֆրիկացիները առաջ են անցել Թաիլանդի միլիարդատերերից (45 միլիարդ դոլար), սակայն ետ են մնացել թաիվանական հարուստներից (92,7 միլիարդ):
Եգիպտոսից մինչև Նամիբի ձգվող աֆրիկյան երկրների հարուստների ցուցակը գլխավորում է Ալիկո Դանգոտեն` Նիգերիայից:
Փորձագետները նրա կարողությունը գնահատել են 10.1 միլիարդ դոլար: Դանգոտեն տնօրինում է Dangote Cement ընկերությունը, որն արտադրում և ամբողջ մայրցամաքին մատակարարում է շաքարավազ, աղ և ալյուր:
54-ամյա Դանգոտեին հաջորդում է ալմաստի մագնատ Նիկի Օպենհեյմերը` 6.5 միլիարդ դոլար: Նոյեմբերի սկզբին Օպենհեյմերի ընտանիքը Anglo American ընկերությանը 5.1 միլիարդ դոլարով վաճառել է ադամանդների մատակարար De Beers-ի իր մասնաբաժինը:
Ինչպես նշում են վարկանիշը կազմողները` Դանգոտեն և Օպենհեյմերը մտնում են նաև Աֆրիկական մայրցամաքի 16 միլիարդատերերի ցուցակում:
Ամենաշատ միլիարդատերեր ունի Եգիպտոսը: Եգիպտացի Նագիբ Սավիրիսը Forbes-ի ցուցակում գրավել է երրորդ հորիզոնականը` 4.750 միլիարդ դոլար կարողությամբ, իսկ Սավիրիսը Orascom ցեմենտ արտադրող կոնգլոմերատի տնօրենն է:
Այդ ընկերության մեջ է մտնում նաև ORASCOM TELECOM հեռահաղորդակցության ընկերությունը: Չորրորդ և հինգերորդ տեղը զբաղեցնում են Յոհան Ռուպերը` ՀԱՀ-ից, և Մայք Ադենուգան` Նիգերիայից: Ռուպերը 4.37 միլիարդ է աշխատել լյուքս դասի ապրանքների վաճառքից: Նա Աֆրիկայում շվեյցարական Richemont ընկերության տնօերնն է: Richemont-ը շքեղ իրեր է թողարկում Vacheron Constantin, Cartier, Alfred Dunhill, Montblanc и Chloé ապրանքանիշերի համար:
Ադենուգան Նիգերիայում ղեկավարում էր Conoil Producing էներգետիկ ընկերությունը, որը զբաղվում էր նավթարդյունաբերությամբ: Նրա կարողությունը գնահատվում է 4.3 միլիարդ:
Վարկանիշային աղյուսակի տասնյակը եզրափակում է ՀԱՀ արքայազն Պարտիս Մոթսեպը, որին պատկանում է African Rainbow Minerals ընկերությունը: Այն զբաղվում է ածխահանքերի շահագործմամբ: Նրա կարողությունը 2.5 միլիարդ է:
Հարկ է նշել, որ Աֆրիկայի ամենահարուստ մարդկանց ցուցակում չի հայտնվել ոչ մի կին: Աֆրիկայի հարուստ մարդիկ միջինը 61 տարեկան են: