Ադրբեջանական Vesti.az-ին տված հարցազրույցում ռուս քաղաքական վերլուծաբան Օլեգ Կուզնեցովն անդրադարձել է Ղարաբաղյան հակամարտության կարգավորմանը.
«Այս խնդրի կարգավորման համար անհրաժեշտ է, որ հակամարտող կողմերից մեկը փոխի իր դիրքորոշումը։ Սակայն ներկայումս ո՛չ Հայաստանը, ո՛չ էլ Ադրբեջանը չեն պատրաստվում փոխզիջման գնալ։ Ես այս հակամարտությունը չեմ համարում սառեցված, քանի որ շփման գծում կանոնավոր բախումներ են գրանցվում։
Լեռնային Ղարաբաղում պատերազմի վերսկսման դեպքում Հայաստանում գտնվող ռուսական ռազմաբազան անպայմանորեն ներգրավվելու է դրանում։ Չի բացառվում, որ ռուսական ռազմաբազայի սպառազինության ու սպաների մի մասը հատկացվի հայկական կողմին։
Բացի այդ, պետք է անկեղծ լինենք. 2008 թվականի ռուս-վրացական օգոստոսյան պատերազմից հետո Ադրբեջանը ռազմա-տեխնիկական պլանում աջակցել է Վրաստանին։ Օրինակ՝ ադրբեջանական ինժեներային զորքերը քիչ ջանքեր չեն գործադրել ավերված վրացական ենթակառույցների (սահմանամաերձ շրջանների կամուրջներ, ճանապարհներ) վերականգնման հարցում։ Մոսկվան շատ լավ հիշում է այդ մասին։
Այնուամենայնիվ, ես կարծում եմ, որ Ռուսաստանն ուղղակի ռազմական միջամտություն չի ցուցաբերի Լեռնային Ղարաբաղում պատերազմի վերսկսման դեպքում, միայն ծայրահեղ դեպքում, եթե Գյումրիի ռազմաբազայում գտնվող ռուս զինծառայողները հայտնվեն վտանգի տակ»։
