Հայաստանի խորհրդարանի խոսնակ Հովիկ Աբրահամյանն այսօր` նոյեմբերի 14-ին, հրաժարական կներկայացնի:
Նա կհեռանա իր պաշտոնից ու կկենտրոնանա իշխող Հանրապետական կուսակցության նախընտրական շտաբը ղեկավարելու գործին` 2012թ. խորհրդարանական ընտրություններին նախապատրաստվելու համար:
Հենց դրանով է նա պայմանավորել նոյեմբերի 1-ին հրապարակած իր անսպասելի որոշումը:
Նշենք, որ Հ.Աբրահամյանի հրաժարականի մասին հայտարարությունից հետո 5-օրյա ժամկետում հրաժարականը պետք է հաստատվի:
Միայն դրանից հետո խորհրդարանականները նոր խոսնակի ընտրություններ կանցկացնեն:
Սակայն խորհրդարանի խոսնակի պաշտոնը զբաղեցնելու հետ կապված լարված պայքար չի լինի, քանի որ խորհրդարանական ընտրություններին 5-6 ամիս է մնացել, և տվյալ պաշտոնը հետաքրքրություն չի ներկայացնում:
Ավելի վաղ այդ պաշտոնից խուսանավեց Հայաստանի ԱԺ Պետաիրավական հարցերի հանձնաժողովի նախագահ, Հանրապետական կուսակցության անդամ Դավիթ Հարությունյանը:
Ներկայում մամուլում խոսնակի պաշտոնի երկու թեկնածուների անուն է շրջանառվում` ներկայիս փոխխոսնակ Սամվել Նիկոյան և ՀՀԿ խմբակցության ղեկավար Գալուստ Սահակյան: