Грузия Online-ի փոխանցմամբ՝ Վրաստանն ու Ռուսաստանը Ժնևում կնքել են Առևտրի համաշխարհային կազմակերպությանը (ԱՀԿ) Ռուսաստանի անդամակցության վերաբերյալ պայմանագիրը, որով Ռուսաստանը հնարավորություն է ստանում անդամակցելու ԱՀԿ-ին։
Ավելի վաղ Վրաստանի ԱԳՆ-ը հայտարարել էր, թե ԱՀԿ-ի վերաբերյալ ռուս-վրացական համաձայնագիրը կնքվելու է մինչև նոյեմբերի 10-ը։
Հիշեցնենք, որ Ռուսաստանը փորձում է ԱՀԿ-ին անդամակցել 1993 թվականից, ինչի վրա շարունակ վետո էր դնում Վրաստանը։ 2008 թվականի օգոստոսին տեղի ունեցած ռուս-վրացական հնգօրյա պատերազմից հետո առաջին անգամ Ռուսաստանն ու Վրաստանն այս տարվա մարտի 10-ին Շվեյցարիայի Բեռն քաղաքում ԱՀԿ-ին Ռուսաստանի անդամակցության համար նստեցին բանակցությունների սեղանի շուրջը, ինչը, սակայն, ավարտվեց անարդյունք։
