Ռազմավարական և ազգային հետազոտությունների հայկական կենտրոնի ղեկավար Մանվել Սարգսյանի կարծիքով` Ս. Սարգսյանի Վրաստան այցելության շուրջ ստեղծված խնդիրները և դրան հետևած Վրաստանի արտգործնախարարի այցը Հայաստան հիմնականում պայմանավորված են Ռուսաստանի հետ Վրաստանի ունեցած խնդիրներով: Սարգսյանի գնահատմամբ` Ռուսաստանը Վրաստանի հետ իր հարաբերությունները հստակեցնելու համար ամեն կերպ փորձում է աջակցություն ստանալ այլ երկրներից, մասնավորապես Հայաստանից, որից էլ տեղի-անտեղի ինչ-որ բաներ է պահանջում:
Այդուամենայնիվ, Սարգսյանը նկատեց, որ վերջին շրջանում ռուս-վրացական հարաբերությունները շտկման միտումներ են դրսևորում` մասնավորապես պայմանավորված այն հանգամանքով, որ Ռուսաստանը վերջապես ԱՀԿ-ի անդամ կդառնա: Ըստ Սարգսյանի` ռուս-վրացական հարաբերությունների նման զարգացումների ֆոնին էլ Վրաստանը փորձում է առավել հստակեցնել հարաբերությունները Հայաստանի հետ և շտկել եղած լարվածությունները: