ԱԺ ՀՀԿ խմբակցության ղեկավար Գալուստ Սահակյանին այսօրվա խորհրդարանական բրիֆինգների ժամանակ հարցրինք` մի՞թե արդարացի է՝ ԴԱՀԿ ղեկավար Միհրան Պողոսյանը մարդ է ծեծում, բայց պատժում են նախարարին: «Նա լիազորված անձ էր և պարտավոր էր գնահատական տալ: Կարող էր նաև աշխատանքից ազատել»,- հայտարարեց Սահակյանը: Նկատենք, սակայն, որ արդարադատության նախարարը ԴԱՀԿ ծառայության ղեկավարին ազատելու իրավասություն չունի, դա մտնում է ՀՀ նախագահի լիազորությունների մեջ: Սակայն Գալուստ Սահակյանը պնդում էր հակառակը: Ի դեպ, «Դատական ակտերի հարկադիր կատարումն ապահովող ծառայության մասին» ՀՀ օրենքի 11 հոդվածի համաձայն` «Հարկադիր կատարման ծառայության կենտրոնական և տարածքային մարմինների գործունեությունը ղեկավարում է գլխավոր հարկադիր կատարողը, որին պաշտոնի նշանակում և պաշտոնից ազատում է Հայաuտանի Հանրապետության նախագահը` Հայաստանի Հանրապետության արդարադատության նախարարի առաջարկությամբ»: