«Առաջին լրատվական»-ին հենց նոր հայտնի դարձավ, որ ՀՀԿ գործադիր մարմնի նիստը, որը դեռ ընթացքի մեջ է, որոշել է, որ Հովիկ Աբրահամյանը պետք է դադարեցնի իր լիազորությունները ՀՀ Ազգային ժողովի նախագահի պաշտոնում: Մանրամասները՝ ավելի ուշ:
Հիշեցնենք, որ լրատվամիջոցներում շրջանառվող տեղեկությունների համաձայն մինչև Ճանապարհային ոստիկանության նախկին պետ Մարգար Օհանյանի ձերբակալությունը ԱԺ նախագահ Հովիկ Աբրահամյանը հանդիպել է Մարգար Օհանյանի հետ և խոսել առաջիկա խորհրդարանական ընտրությունների մասին: Հ. Աբրահամյանն Օհանյանին ասել է, որ վերջինս իրենց մտերիմ մարդն է, որին կարելի է վստահել ու առաջարկել է, որ ընտրություններում ՃՈ ողջ համակարգն աշխատի ԲՀԿ-ի ու Ռոբերտ Քոչարյանի համար: Նա ասել է, թե ընտրություններից հետո արդեն հնարավոր կլինի Օհանյանին նշանակել ՀՀ ոստիկանապետ, քանի որ վերջինս նրանց «ամենասիրված տղան» է:
Այս հանդիպումը, սակայն ձայնագրվել է և ներկայացվել Սերժ Սարգսյանին: Եվ դրանից հետո Սերժ Սարգսյանն իր մոտ է կանչել Ալիկ Սարգսյանին և հրահանգել «լուծել» Մարգար Օհանյանի հարցը:
