Ստոկհոլմի բնակչին թույլատրել են ոչնչացրել այն սկյուռիկին, որը մի քանի անգամ ներխուժել է նրա բնակարան ու խառնաշփոթ առաջացրել`վնասել սենյակային բույսերը, փչացրել տանտերերի գույքը:
Սկյուռին սպանելու թույտվությունը տղամարդուն տվել են շրջանային խորհրդում, որտեղ կրծողի դեմ բողոքը քննվել է շուրջ երկու ամիս: Այս մասին հայտնում է շվեդական Expressen թերթը:
Հիմա տղամարդուն սպասվում է ևս մեկ թույլտվության ձեռքբերում կենդանուն ոչնչացնելու համար. նա պետք է դիմի ոստիկանություն, ներկայացնի խորհրդի կայացրած որոշումը, ներկայացնի սկյուռի վարքագիծը: Ընդ որում` սկյուռի ոչնչացման ծախսերն իր վրա պետք է վերցնի բնակարանատերը:
Շվեդի` սկյուռից ազատվելու որոշումը, որոշ մասնագետների կարծիքով, չափազանց դաժան քայլ է փոքրիկ կենդանու նկատմամբ: Մասնագետներից մեկի կարծիքով` տղամարդը կարող էր կենդանուն վանդակը գցել, ապա տանել ու անտառում բաց թողնել:
Մարդկանցով խիտ բնակեցված տարածքներում ապրող սկյուռները հաճախ բնակվում են բնակելի տների ձեղնահարկերում և ժամանակ առ ժամանակ ներխուժում են բնակարաններ: