Ամերիկացի գիտնականների կարծիքով` օրական 3 անգամ սուրճի օգտագործումը 20 տոկոսով նվազեցնում է մաշկի քաղցկեղի առաջացման հավանականությունը:
Գիտական հետազոտությունների ամերիկյան ասոցիացիայի Բոստոնի բաժանմունքի գիտնականների` քաղցկեղային հիվանդությունների շրջանում կատարած հետազոտության արդյունքների համաձայն` սուրճը նվազեցնում է բազալբջջային կարցինոմայի`մաշկի քաղցկեղի հիվանդություններից մեկի առաջացման հավանականությունը: Այս մասին նախօրեին գրել է ամերիկյան հեղինակավոր The Washington Post պարբերականը:
Հետազտությունը հաստատել է նաև, որ սուրճը որպես պրոֆիլակտիկ միջոց օգտակար է երկու տիպի քաղցկեղածին հիվանդությունների`պլոսկոբջջային կարցինոմայի ու մելանոմայի համար: Վերջինը մաշկի ամենավտանգավոր և հազվադեպ հանդիպող հիվանդությունն է:
Գիտնականները հետազոտել են 113. 000 մարդու, որոնցից 25.480-ը տառապել են մաշկի քաղցկեղով` 22.786-ի մոտ ախտորոշված է եղել բազալբջջային կարցինոմա, 1.953-ը` պլոսկոբջջային կարցինոմա, 741-ի մոտ` մելանոմա: Հետազոտություններից պարզվել է, որ այն կանայք, ովքեր օրական ըմպում են 3 բաժակից ոչ պակաս սուրճ, 20 տոկոսով քիչ են հիվանդանում բազալբջջային կարցինոմայով, քան նրանք, ովքեր խմում են ամիսը 1 բաժակ սուրճ:
