Դանիացի թենիսիստուհի Կարոլին Վոզնյացկին իր համար ապահովեց 2011 թվականի աշխարհի առաջին ռակետի կոչումը այն բանից հետո, երբ նրա մրցակից Մարիա Շարապովան վնասվածքի պատճառով ժամանակից շուտ լքեց Ստամբուլի մրցաշարը:
Աշխարհի առաջին ռակետի կոչմանն էր հավակնում նաև չեխ Պետրա Կվիտովան, սակայն Կարոլինը նրա համար դարձավ անհասանելի այն պահից, երբ դուրս եկավ կորտ` ուժերը չափելու Ռուսաստանի ներկայացուցչուհի Վերա Զվոնարյովայի հետ:
Անգլիական «Լիվերպուլ»-ի մեծ երկրպագու Վոզնյացկին երկրորդ մրցաշրջանն անընդմեջ ավարտեց համաշխարհային վարկանիշային աղյուսակի առաջին տեղով:








































