MTV հեռուստաընկերությունը մոտ ապագայում ԱՄՆ-ում կսկսի «Գրավե՛ք Ուոլ սթրիթը» նյույորքյան նախաձեռնության անդամների կյանքի մասին պատմող ռեալիթի շոուի ցուցադրությունը: Այս մասին տեղեկացնում է հեռուստաընկերության պաշտոնական կայքը:
Վերջիններս հանդես էին գալիս ընդդեմ «ֆինանսական ահաբեկչության»։
Ներկայումս Նյու Յորքում, ինչպես և ԱՄՆ այլ քաղաքներում, շարունակվում են «Գրավե՛ք Ուոլ սթրիթը» ցույցերը: Մասնակիցները հանդես են գալիս իշխանությունների ու նրանց վարած ֆինանսական քաղաքականության դեմ` այն անվանելով «ֆինանսական ահաբեկչություն»:
Ցույցերը կրում են խաղաղ բնույթ և աստիճանաբար հավաքում են ավելի մեծ թվով համակիրների:
Շոուն, որում նկարահանվելու են բողոքի ակցիայի իսկական անդամները, կոչվելու է «Ճշմարտանման կյանքը: Ես գրավում եմ Ուոլ սթրիթը»:
Օպերատորներն իրական ժամանակում նկարահանելու են ակցիայի չորս` առավել ակտիվ երիտասարդ մասնակիցների կյանքը, ովքեր հանդես են գալիս ակցիայի առաջին շարքերում:
20-ամյա երիտասադները, ովքեր վրաններ են խփել Զանոտտի պարկում` Ոոլ Սթրիթի երկնաքերների հարևանությամբ, պատմելու են իրենց զգացողությունների, զգացմունքների մասին, որոնք դրդել են իրենց դիմել այդ քայլին:
Հիշեցնենք, որ մեկ ամսից ավելի է, ինչ Նյու Յորքում շարունակվում է ակցիան: Ռեալիթի շոուի ֆիլմի առաջին էպիզոդը կցուցադրվի նոյեմբերի 5-ին: Հանդիսատեսը հնարավորություն կունենա ծանոթանալ Բրայան անունով երիտասարդի հետ, որը գլխավորում է ակցիայի «սանիտարական խումբը»:
Նախագիծը հնարավորություն կընձեռի մարդկանց հայտնվելու ցուցարարների շարքում: Տեղական ԶԼՄ-ներն այս շաբաթ հայտարարել էին, որ հեռուստաընկերության պրոդյուսերները որոնում են այնպիսի ցուցարարների, որոնք ցանկություն կունենան մասնակցելու նկարահանումներին:
Բողոքի ակցիաներն սկսվել են սեպտեմբերի 17-ից: Այդ ժամանակից ի վեր Զանոսսի պարկը գտնվում է մամուլի ուշադրության կենտրոնում:
