Բելգիայի Գենտ քաղաքում տեղի է ունեցել Սաունդթրեքերի համաշխարհային ակադեմիայի (WSA) մրցանակների պարգևատրման արարողությունը: Ինչպես հաղորդում է Variety ամսագիրը, երրորդ անգամ անընդմեջ տարվա կոմպոզիտոր է դարձել «Հարի Փոթերը և մահվան պարգևները», «Թագավորի խոսքը», «Կենաց ծառ» ֆիլմերի երաժշտության հեղինակ Ալեքսանդր Դեպլան (Ֆրանսիա):
Եվրոպական կինոակադեմիայի մրցանակաբաշխության վերջին արարողությանը Դեպլան մրցանակ էր ստացել Ռոման Պոլանսկու «Ուրվականը» ֆիլմի սաունդթրեքի համար:
Սաունդթրեքերի համաշխարհային ակադեմիայի «ֆիլմի լավագույն սաունդթրեք» անվանակարգում մրցանակ է շնորհվել «Քրիստոֆեր Նոլանի «Սկիզբ» ֆիլմի կոմպոզիտոր Հանս Ցիմմերին:
Լավագույն օրիգինալ երգի հեղինակ է ճանաչվել Ռենդիի Նյումանը «Խաղալիքների աշխարհ 3. Մեծ փախուստ» մուլտֆիլմի «We Belng together» երգի համար:
Սաունդթրեքերի ինդուստրիայում ներդրում ունենալու համար պատվավոր մրցանակը շնորհվել իտալացի կոմպոզտոր, պրոդյուսեր և կատարող, 70-ականների դիսկո-երաժշտության հիմնադիր է Ջորջո Մորոդերին: Վերջինս երաժշտություններ է գրել ավելի քան 10 հայտնի ֆիլմերի համար, որոնց համար ժամանակին ստացել է 4 «Ոսկե գլոբուս» և 3 «Օսկար»:
