Սիրիայի պետական հիվանդանոցներում հիվանդները ենթարկվում են կտտանքների: Այդ մասին նշված է «Միջազգային համաներում» իրավապաշտպան կազմակերպության զեկույցում:
Իրավապաշտպանները պնդում են, որ սիրիական իշխանություններն այդ կերպ պայքարում են երկրում այլախոհների դեմ:
39 էջանոց զեկույցում նշվում են բուժանձնակազմի ու հատուկ ծառայությունների կողմից հիվանդների հանդեպ դաժան վերաբերմունքի փաստեր առնվազն 4 հիվանդանոցներում:
Հիմնականում խոսքը այն հիվանդների մասին է,
ովքեր հիվանդանոց են ընդունվում հակակառավարական ցույցերի հետևանքով ստացած վնասվածքներով:
Շատ սիրիացիներ, սակայն, որոնք չեն էլ մասնակցել ցուցերին, աշխատում են հիվանդանոց չգնալ:
Սիրիայի իշխանությունները հերքում են մեղադրանքները: Իրավապաշտպանների խոսքով` եղել են անգամ դեպքեր, երբ ծանր վիրավորներին վտարել են հիվանդանոցից:
Սիրիայում հակակառավարական ցույցերն սկսվել են այս տարվա մարտին: Բաշար Ասադի կառավարութոյունը մեկ անգամ չէ, որ հերքել է իր հասցեին հնչած մեղադրանքները:
ՄԱԿ-ի տվյալով`յոթ ամսում մահացել է 3 հազար մարդ: Սիրիայի իշխանությունները պնդում են, որ նրանք դարձել են ահաբեկիչների ու զինված ավազակների զոհ: