«Sony Pictures-ը հետաձգել է Քեթրին Բիգելոուի՝ Ուսամա Բեն Լադենի հետապնդումների վերաբերյալ ֆիլմի ցուցադրությունը»,- հայտնում է Deadline կայքը` հղում կատարելով ընկերությանը մոտ կանգնած աղբյուրներին:
Այդ տեղեկատվության վերաբերյալ պաշտոնական հաստատում դեռ չկա: Նախապես պլանավորվել էր ֆիլմը հանրության դատին հանձնել 2012 թվականի հոկտեմբերի 12-ին:
Ինչպես գրում է կայքը, ֆիլմի հետաձգումն, ամենայն հավանականությամբ, պայմանավորված է քաղաքական մոտիվներով: Ֆիլմի հակառակորդներն ասում են, որ այն ուղղված է Բարաք Օբամայի վարկանիշը բարձրացնելուն:
Այն մասին, որ Քեթրին Բիգելոուն զբաղվում է Բեն Լադենի վերացման մասին կինո նկարահանելու աշխատանքով, հայտնի դարձավ 2011 թվականի մայիսին:
Մայսի 2-ին, երբ ԱՄՆ նախագահ Բարաք Օբաման հայտարարեց «Ալ-Կաիդա»-ի ղեկավարին վերացնելու մասին, ֆիլմով սկսեցին հետաքրքրվել խոշոր կինոընկերություններ: Արդեն մայիսի վերջերին Columbia Pictures-ը գնեց ֆիլմի իրավունքները: Դրանից հետո ֆիլմի բյուջեն ահռելի չափով մեծացավ, սակայն վեջին հատվածը ստիպված եղան փոխել:
