CNN Türk-ի փոխանցմամբ՝ կիրակի օրը Վանի նահանգում տեղի ունեցած 7.2 բալ ուժգնությամբ երկրաշարժից հետո գիշերը ստորերկրյա նոր ցնցումներ են գրանցվել Վան քաղաքից 20 կիլոմետր դեպի արևելք ընկած տարածքում։ Դրանք ունեցել են 6.1 բալ ուժգնություն։
Ներկայիս դրությամբ՝ կիրակնօրյա երկրաշարժի հետևանքով գրանցված զոհերի թիվը հասել է 217-ի։ Չի բացառվում, որ այդ թիվը կարող է հասնել մինչև 1000-ի։ Բացի այդ, դեռևս փլատակների տակ է գտնվում 300-400 մարդ։
Հիշեցնենք, որ 1976 թվականին Վանի նահանգում տեղի ունեցած երկրաշարժի հետևանքով զոհվել էր 3840 մարդ։
