«Քիմ Քարդաշյանը Լաս Վեգասում այսօր նշել է իր ծննդյան օրը»,- գրում է dailymail.co.uk կայքը:
Այս տարի նա իր ծնունդը նշում է երկրորդ անգամ, քանի որ հոկտեմբերի 22-ին, երբ նրա իսկական ծննդյան օրն էր, Քիմը գտնվում էր Նյու Յորքում, որտեղ մասնակցում էր ֆիլմերի նկարահանումներին:
Խնջույքը կազմակերպել են Քիմի քույրը` Քլոյը, և նրա ամուսին Լամար Օդոմը: Հյուրերը ժամանել են «Կոսմոպոլիտան» հյուրանոցի «Մաքվի» գիշերային ակումբ: Քիմը մեծ տպավորություն է թողել իր սպիտակ զգեստով: Նա կրում էր 2 ադամանդե ապարանջաներ և երկար գեղեցիկ ականջօղեր:
Քլոյը հագել է կազմվածքը ընդգծող բաց կանաչավուն և կարմիր գծերով զգեստ, իսկ նրանց մայրը` Քրիսը` հասարակ սև զգեստ:
Հյուրերի թվում է եղել նաև հայտնի պարող Մարկ Բալասը: Քիմը երեկույթի ընթացքում շնորհակալություն է հայտնել հյուրերին` իր ծննդյան տոնին մասնակցելու համար:
Հարկ է նշել, որ խնջույքի ժամանակ Քիմն իր ամուսնուն շատ քիչ ուշադրություն է դարձրել, նա ավելի շատ շփվել է Մարկ Բալասի, քան իր ամուսնու, քրոջ կամ մոր հետ:
