Արժույթի միջազգային հիմնադրամի (ԱՄՀ) նախկին ղեկավար Դոմինիկ Ստրոս Կանը Բելգիայի Քորթրեյք քաղաքում օգտվել է մարմնավաճառների ծառայություններից: Այս մասին հաղորդում է La Derniere Heure թերթը:
Պարբերականը բերում է ականատեսների վկայությունները, որոնք պնդում են, թե բազմիցս տեսել են ԱՄՀ ղեկավարին քաղաքի ռեստորաններում` հայտնի մարմնավաճառների շրջապատում:
Հիշեցնենք, որ Ստրոս Կանը զրկվել է ԱՄՀ ղեկավարի պաշտոնից իր շուրջ ծավալված սեքսուալ սկանդալի պատճառով: Նա մեղադրվում էր Նյու Յորքի Sofitel հյուրանոցի սպասուհի Նաֆիսսատու Դիալոյի բռնաբարության մեջ:
