Նյու Յորքի քաղաքապետ Մայքլ Բլումբերգը հայտարարել է, որ չի պատրաստվում հանդուրժել «Գրավեք Ուոլ Սթրիթը» ակցիաները և թույլատրել զանգվածային ցույցի մասնակիցներին երթեր և ցույցեր անցկացնել:
«Քաղաքում մեծ թվով ձեռնարկություններ կան, դրանք պետք է աշխատեն, իսկ երեխաները` դպրոց գնան: Այս ցուցարարները կեսգիշերին թմբուկ են զարկում: Նրանք իրենց կարիքները հոգում են հենց փողոցում»,- վրդովմունք է արտահայտել քաղաքապետը:
Ավելի վաղ հաղորդվում էր, որ ակցիայի մասնակիցների հետ փողոց են դուրս եկել միլիոնատերերը: Այժմ «Մենք 99% ենք» կարգախոսին միացել է «Ես 1% եմ, ինձնից ավելի շատ հարկ վերցրեք» կարգախոսը:
Շարժման մասնակիցները հատուկ ինտերնետ կայքի միջոցով կառավարությանը կոչ են անում բարեփոխումներ անցկացնել, որոնք թույլ կտան կրճատել ամերիկյան հասարակության սուր սոցիալական շերտավորվածությունը: Նրանց կարծիքով` հավասարության առաջին քայլը հարուստների հարկերի բարձրացումն է:
