Բրիտանական Oasis ռոք խմբի նախկին վոկալիստ Լիամ Գալաղերը Rolling Stone հրատարակությանը հայտարարել է, որ վերանայում է խմբի վերամիավորման հարցը Whats the Story Morning Glory? ալբոմի 20-ամյակի կապակցությամբ 2015 թվականին կայանալիք շրջագայությունների համար:
Երգչի խոսքերով` ալբոմի 20-ամյակը հնարավոր կլինի նշել այն դեպքում, եթե նա կարողանա իր հարաբերությունները բարելավել եղբոր` Նոել Գալաղերի հետ: Վերջինս եղել է Oasis-ի գաղափարախոսը և բազմաթիվ երգերի հեղինակ:
Երկու եղբայրների միջև հակասությունը շարունակվում է արդեն բավական երկար ժամանակ: 2009 թվականի օգոստոսին Նոել Գալաղերը հայտարարել էր, որ հեռանում է Oasis խմբից` եղբոր հետ ունեցած հակասությունների պատճառով, իսկ արդեն հոկտեմբերին խումբը ցրվեց:
2011 թվականի օգոստոսին Նոելը ասել էր, որ հնարավոր է, որ շտապել էր խմբի ցրվելու մասին որոշում կայացնելու հարցում և ցանկանում է իրենց պատմական ալբոմի երգերը սկզբնական տարբերակով նվագել 2015 թվականին:
