Friday, 30 09 2022
Փաշինյանն ասում է՝ փաստացի տարածքները ճանաչենք, սկսենք բանակցել
Շահագրգռված ենք Իրանի հետ մեր հարաբերությունների զարգացմամբ. Նիկոլ Փաշինյան
Փաշինյանի խոսքում նորություն չկար, կար էմոցիոնալ դաշտ, որ ՀՀ-ն ճնշման տակ է
Փաշինյանը կմասնակցի ԵՄ գագաթնաժողովին, չի բացառվում Էրդողանի հետ հանդիպումը
Փաշինյանը կոչ արեց Փելոսիի՝ Հայաստան այցին հակառուսական կոնտեքստ չտալ
Խաղաղության պայմանագրի հիմքում պետք է լինի Հայաստանի և Ադրբեջանի կողմից փոխադարձաբար տարածքային ամբողջականության ճանաչումը. Փաշինյան
Սահմանին մաքսային, սահմանապահ ծառայությունները կարելի է արտապատվիրակել. Փաշինյանը՝ երթուղիների ապաշրջափակման մասին
Ոչ Մոսկվան, ոչ Բրյուսելը, ոչ Վաշինգտոնը պատրաստ չեն ճանաչել Ղարաբաղի անկախությունը և պատրաստ չեն Ղարաբաղը ճանաչել որպես ՀՀ-ի մաս. վարչապետ
ՀՀ-ն պատրաստել էր տարածաշրջանի կոմունիկացիաների բացման հետ կապված նախագիծ, որը հրաժարվել է ստորագրել Ադրբեջանը. վարչապետ
Հայ-ադրբեջանական սահմանին իրադրության փոփոխություն չի արձանագրվել. ՀՀ ՊՆ
Ժնևում պետք է սկսվեն առարկայական բանակցություններ խաղաղության պայմանագրի տեքստի մշակման շուրջ. վարչապետ
Մեր ջանքերն ուղղված են արցախահայության անվտանգությանն ու իրավունքների ապահովմանը
Չի կարելի խոսել մի երևույթի հոգեհանգստի մասին, որը դեռ չի ծնվել. Փաշինյանը՝ խաղաղության դարաշրջանի մասին
Վարչապետը հայտնեց, թե ինչ նկատի ունի, երբ խոսում է սահմանին միջազգային դիտորդական առաքելություն տեղակայելու մասին
Ես Պրահա մեկնելու որոշում ունեմ, իսկ թե այնտեղ Էրդողանի հետ կհանդիպեմ, թե ոչ՝ դեռ հստակ չէ. Փաշինյան
22:00
Ստոլտենբերգը մեկնաբանել Է Զելենսկու խոսքերը ՆԱՏՕ-ին անդամակցելու հայտի մասին
Հայաստանը պետք է հայտարարի, որ չի ճանաչում ՌԴ կողմից ուկրաինական տարածքների բռնակցումը
Ասել, թե Հայաստանի և Ադրբեջանի միջև սահման չկա, նշանակում է ասել, որ ՀԱՊԿ չկա. Փաշինյան
Երաշխավորված անվտանգություն կարող է ապահովել միայն խաղաղությունը. Նիկոլ Փաշինյան
Վաշինգտոնը, Բրյուսելը և Մոսկվան պատրաստ չեն Ղարաբաղը ճանաչել Հայաստանի մաս. Նիկոլ Փաշինյան
Բանակցային գործընթացի մանրամասների մասին տեղյակ է բավականին լայն շրջանակ. վարչապետ
Դա ի՞նչ խոսույթ է, ի՞նչ Արևելյան Զանգեզուր, մենք անուն ունենք անգամ նախագծին՝ Հայկական խաչմերուկ
Արցախի պետական նախարարի նախագահությամբ գումարվել է թվայնացման խորհրդի նիստ
21:00
Արժույթի միջազգային հիմնադրամը նախազգուշացրել է աշխարհում պարենային անվտանգության վատթարացման մասին
Հայաստանը պատրաստվո՞ւմ է դուրս գալ ՀԱՊԿ-ից
Եկել ենք այն եզրակացության, որ ճիշտ է զոհվածների անունները հրապարակել ինստիտուցիոնալ մեխանիզմով. Նիկոլ Փաշինյան
Երկու օրից ՀՀ-ն ու Ադրբեջանը կսկսեն խաղաղության պայմանագրի տեքստի առարկայական քննարկումը. Փաշինյան
20:50
Բայդենը հայտարարել է, որ ԱՄՆ-ն կաջակցի հողերը վերադարձնելու Ուկրաինայի ջանքերին
Ինչքան սուր է վիճակը, այդքան սուր է խաղաղության անհրաժեշտությունը․ Նիկոլ Փաշինյան
Ցանկացած պատերազմ դիվանագիտական ճգնաժամի արդյունք է. Երվանդ Թարվերդյան

Դոմիկային տեխնոպարկ

Սպիտակի 1988 թվականի երկրաշարժից հետո անցել է 22 տարի, սակայն աղետի գոտում դեռ հազարավոր անօթևան ընտանիքներ կան:
Դա, սակայն, կառավարությանը չխանգարեց, որ իր հերթական «հայեցակարգի» մեջ ներառի Գյումրին տեխնոքաղաք դարձնելը: Սա, իհարկե, վարչապետ Տիգրան Սարգսյանի ու էկոնոմիկայի նախարար Ներսես Երիցյանի` Հայաստանը հերթական կենտրոններից մեկը դարձնելու «լայն» ծրագրի մի փոքր մասն էր: 2008-ի մայիսին կառավարությունն ընդունեց «ՀՀ Շիրակի մարզի Գյումրի քաղաքը տեխնոքաղաքի վերակառուցելու հայեցակարգը», հունիսին մեծ շուքով շնորհանդես կազմակերպվեց Էկոնոմիկայի նախարարությունում, իսկ դեկտեմբերին USAID-ի մասնակցությամբ կազմվեց Գյումրին տեխնոպարկի վերածելու ռազմավարական ուղեցույց և բիզնես-պլան` ոմն Կևին Թոմփսթընի հեղինակությամբ: Այժմ տեսնենք, թե այդ հավակնոտ թղթերում գրվածներից կա՞ որևէ բան, որ կյանքի է կոչվել: Ապագա Գյումրին, ըստ հայեցակարգի, պետք է ունենա միջազգային օդանավակայան, օդանավակայանին կից ազատ տնտեսական գոտի և գործարարության «գերազանցության» կենտրոն: Բայց սա` ապագայի համար: Իսկ ավելի կոնկրետ քայլերն արտացոլված են Թոմփսթընի բիզնես-պլանում: Դրանք խմբավորված են հետևյալ երեք հիմնական ծրագրերում.
1. Վերականգնել նախկին փոստային գրասենյակի և մանկավարժական ինստիտուտի շենքերը` որպես նպատակային նշանակության փոքր գրասենյակներ արվեստների, արհեստների և միկրոձեռնարկությունների, ինչպես նաև ապրելու/աշխատելու կենսագործունեության համար: Բացի այդ, դիտարկել կրթական գործունեությունը վերսկսելու հնարավորությունը:
2. Հսկող հաստոցների գործարանի մեծ շենքը քանդել կամ փոխակերպել արդյունաբերության և բաշխման գործունեության համար օգտագործվող ժամանակակից միավորների:
3. Պոլիտեխնիկ ինստիտուտի նախկին տարածքը տեխնոլոգիական պարկ դարձնելու համար պատրաստել և իրականացնել կրթական և ձեռներեցության ինտեգրված գոտու մաստեր-պլան: Տվյալ վայր տեղափոխել Պետական ճարտարագիտական համալսարանը: Կառուցել ինկուբատոր: Կառուցել 2-րդ փուլի տեխնոլոգիական միավորներ:
Հիմա, փոստային գրասենյակի շենքը շարունակում է մնալ ավերակ, շինարարական ոչ մի աշխատանք չի իրականացվել: Նույնը վերաբերում է նաև նախկին Մանկավարժական ինստիտուտի շենքին: Հայեցակարգի հաստատումից մինչ օրս որևէ փոփոխություն տեղի չի ունեցել նաև Հսկող հաստոցների գործարանի ու նախկին Պոլիտեխնիկ ինստիտուտի հետ: Այսինքն` այս ծրագրերում ամրագրված քայլերից ոչ մեկը ոչ միայն չի իրականացվել, այլև այդ ուղղությամբ որևէ տեղաշարժ էլ չկա: Սակայն, փոխարենը, կա Ներսես Երիցյանի խոստումը` 2011 թվականին սկսել տեխնոպարկի շինարարական աշխատանքները: Մոտ մեկ ամիս առաջ ԱԺ-ում նա նման հայտարարություն արեց` նշելով, որ կառավարության որոշմամբ այդ նպատակով արդեն հատկացվել է Գյումրիի Մանկավարժական ինստիտուտի քանդված շենքի տարածքը: Նախարարը նաև նշել էր, որ մշակվում է տեխնոպարկի մոդելը, որը այս տարեվերջին կդրվի հանրային քննարկման: Տարվա ավարտին մնացել է 23 օր, սակայն հանրային քննարկումների անցկացման վերաբերյալ ոչ մի մտադրություն կարծես թե չկա:
Եվս մեկ հետաքրքիր հանգամանք: Գյումրին տեխնոքաղաքի վերածելու առանցքային պայմաններից մեկը համարվում է քաղաքը Հատուկ տնտեսական գոտի ճանաչելը: Դրա իրականացման համար բիզնես-պլանում առաջարկվում են հետևյալ հիմնական խթանները.
1. Հարկերից ժամանակավոր ազատումներ կամ շահութահարկի ավելի ցածր դրույքաչափ միջազգային առևտրի մասնակից ձեռնարկությունների համար:
2. Դրամաշնորհներ` փոխհատուցելու բարձրագույն ուսումնական հաստատությունների շրջանավարտների, հետազոտողների և աշխատակիցների նոր գործարար գաղափարների հիմնավորվածության ստուգման ծախսերի 50%-ը:
3. Սկզբնական կապիտալի ֆինանսավորում տեխնոլոգիական պարկում մեծ ներուժ ունեցող սկսնակ ձեռնարկությունների համար:
4. Հետազոտությունների և մշակումների (R&D) դրամաշնորհներ` խրախուսելու բուհերի առաջարկած նոր տեխնոլոգիաների առևտրայնացումը և նպաստելու ստեղծվող բարձր տեխնոլոգիական ընկերությունների գաղափարական ծրագրերի հիմնավորմանը:
5. Հարկային արտոնություններ այն անհատներին, ովքեր կֆինանսավորեն ձեռնարկությունների կարիքները հոգալու համար անհրաժեշտ հատուկ շենքերի կառուցումը:
Ակնհայտ է, որ հարկային օրենսդրության նման փոփոխությունների Հայաստանի իշխանությունները պարզապես չեն կարող գնալ առաջիկա 5-10 տարիներին. դրանք անիրագործելի են Հայաստանի ներկայիս տնտեսական իրողությունների պարագայում, ինչն էլ, ըստ էության, ի սկզբանե ձախողման է դատապարտում Գյումրին տեխնոքաղաքի վերածելու կառավարության ծրագիրը:
Լուսանկարը` PanArmenianPhoto-ի

Բաժիններ
Ուղիղ
Լրահոս
Որոնում