90-ամյա ամերիկացի քարոզիչ Հարոլդ Քեմփինգը նշել է աշխարհի վերջի նոր ամսաթիվը: Նրա խոսքերով՝ ապոկալիպսիսը տեղի կունենա վաղը` հոկտեմբերի 21-ին, ժամը 18.00 ին:
«Այս ուրբաթ բոլորը կգնան ուղիղ դժոխք… Գերեզմաններից մեռյալները հարություն կառնեն, միայն 2%-ը կգնա դրախտ, իսկ մյուսները դժոխք տեղափոխվելուց առաջ դեռ որոշ ժամանակ կմնան Երկրի վրա, որպեսզի զգան զանգվածային երկրաշարժերի, ջրհեղեղների, հրդեհների սարսափները»,- հայտարարել է Քեմփինգը:
Ինչպես հաղորդում է MIGnews-ը, ըստ Քեմփինգի՝ ինքը ամեն ինչ հաշվարկել է մաթեմատիկորեն:
Նախորդ անգամ քարոզիչը որպես աշխարհի վերջի օր նախանշել էր 2011 թվականի մայիսի 21 ը: Այժմ նա բացատրում է, որ մայիսի 21-ին եղել է աշխարհի հոգևոր ավարտը, իսկ հիմա պետք է լինի ֆիզիկականը:
Այնուամենայնիվ, Քեմփինգին հավատացողները շատ են: ԱՄՆ-ում և Եվրոպայի որոշ երկրներում արդեն տեղադրվել են հարյուրավոր մեծ գովազդային պաստառներ, որոնց վրա գրված է «վերջին դատաստանը մոտենում է»:
