Ադրբեջանական Trend լրատվական գործակալության փոխանցմամբ՝ Ղազախստանի Ալմա Աթի քաղաքում ընթացող Թյուրքալեզու երկրների համագործակցության խորհրդի շրջանակներում թյուրքալեզու երկրները ստորագրել են գործարար խորհրդի ստեղծման մասին համաձայնագիր։
Այդ գործարար խորհրդի կազմում են ներառվել թյուրքալեզու երկրների խոշոր կազմակերպությունների ու ընկերությունների ներկայացուցիչները։ Գործարար խորհրդում քննարկվում են այժմեական խնդիրներն ու տնտեսական համագործակցության հեռանկարները։
Թյուրքալեզու երկրների համագործակցության խորհրդի նիստին մասնակցում են Ղազախստանի, Ադրբեջանի ու Ղրղզստանի նախագահներ Նուրսուլթան Նազարբաևը, Իլհամ Ալիևը, Ռոզա Օթունբաևան, ինչպես նաև Թուրքիայի փոխվարչապետ Բեքիր Բոզդաղը։
Հիշեցնենք, որ Բոզդաղը փոխարինել է Թուրքիայի վարչապետ Էրդողանին, ով ավելի քան 20 թուրք զինծառայողների մահված պատճառ հանդիսացած Չուքուրջայի բախման պատճառով ստիպված է եղել հետաձգել իր ղազախական այցը։