Բողոքի ակցիայի մասնակիցները կառավարության շենքի մոտից երթով շարժվում էին դեպի նախագահական նստավայր, երբ նրանց մոտեցան ոստիկանական խմբեր և, շրջափակելով ակցիայի մասնակիցներից Վարդգես Գասպարիին և «Ժառանգություն» խմբակցության պատգամավոր Զարուհի Փոստանջյանին, ասացին, որ իբր Վ. Գասպարիին հրավիրում են ոստիկանության բաժանմունք: Նրանք խիտ շարքով խիտ շարքով շրջափակել էին Վարդգես Գասպարիին և Զարուհի Փոստանջյանին: Ոստիկանները բռնի ուժ գործադրեցին, ինչի արդյունքում Գասպարին ընկավ:
Ոստիկանները հրում էին ակցիայի մասնակիցներին: Հանկարծ մոտ տասը ոստիկաններ մոտեցան Գասպարիին և բռնի ուժով տարան ոստիկանական բաժանմունք:
Ակցիայի մասնակիցների կարծիքով՝ ոստիկանները նպատակ ունեին իրենց գործողություններով կասեցնել երթը դեպի նախագահական նստավայր, սակայն դա նրանց չհաջողվեց:
