«Բրիտանիայի պաշտամունքային խմբի` The Stone Roses-ի անդամները հայտարարել են վերամիավորման մասին»,- հաղորդում է New Musical Express-ը:
Այսուհետ խմբում են լինելու Յան Բրաունը, Ջոն Սքվայերը, Մանին (Գերի Մունֆիլդը) և Ռենին (Ալան Ռենը): Նրանք պատրաստվում են երկու մեծ համերգի, որոնք տեղի կունենան 2012 թ. հունիսի 29-ին և 30-ին՝ Մանչեսթրում, ինչին էլ կհաջորդի համաշխարհային շրջագայությունը:
The Stone Roses-ի անդամները հայտնել են այն մասին, որ պլանավորում են համերգների ժամանակ կատարել նաև նոր երգեր: Բրաունը նշել նոր ալբոմի հնարավոր թողարկման մասին:
