Իրանի ռեֆորմիստական շարժման համակարգող լրատվական կայքի փոխանցմամբ՝ ԵՄ արտաքին հարաբերությունների Մերձավոր Արևելքի բաժնի ղեկավարը շարժման համակարգողներին հղած նամակում հայտարարել է, որ ԵՄ մի շարք դիվանագետներ ցանկություն են հայտնել հանդիպել Իրանի ռեֆորմիստական շարժման՝ տնային կալանքում գտնվող առաջնորդներ Միր Հուսեյն Մուսավիի և Մեհդի Քարուբիի հետ:
ԵՄ պաշտոնյան ասել է, թե մարդու իրավունքների և միջազգային պարտավորությունների համաձայն, որ ստորագրվել է նաև Իրանի կողմից, իրանական իշխանությունները չպետք է խոչընդոտեն այդ հանդիպմանը:
Նամակի վերջում նա նշել է, որ իրենք միանում են Իրանի ռեֆորմիստական շարժման առաջնորդների ճակատագրի մասին ժողովրդական մտահոգություններին:
