Reuters գործակալության հաղորդմամբ՝ ՄԱԿ-ի քարտուղար Պան Գի Մունը Իրանի «դավադրության» թղթածրարը ուղարկել է ՄԱԿ-ի ԱԽ:
Ինչպես արդեն տեղեկացրել է «Առաջին լրատվականը», ԱՄՆ օրեր առաջ հայտարարեց, թե Իրանի իշխանությունները նպատակ են ունեցել ահաբեկել Վաշինգտոնում Սաուդյան Արաբիայի դեսպանին:
Reuters-ի մատուցմամբ՝ նույն խնդրի շուրջ ՄԱԿ-ում ԱՄՆ դեսպան Սուզան Ռայսը արդեն հանդիպումներ է ունեցել ԱԽ անդամ 15 երկրների ներկայացուցիչների հետ և բանակցել Իրանի դեմ գործողությունների տարբերակների մասին:
Ավելացնենք, որ Իրանի առաջնորդ Այաթոլլահ Խամենեին իրենց դեմ ուղղված մեղադրանքները անվանել է սուտ ու դավադրություն, որի հիմնական նպատակը Իրանի ու իսլամի շուրջ աշխարհում սարսափ առաջացնելն է:
