ԱՊՀ մի քանի երկրներ հրաժարվում են Ղրղստանին հանձնել երկրի նախկին նախագահ Կուրմանբեկ Բակիևին, ինչպես նաև նրա հարազատներից մի քանիսին, որոնց նկատմամբ Ղրղստանում մեղադրանք է առաջադրվել: Այս մասին հայտնում է երկրի գլխավոր դատախազ Աիդա Սոլյանովան:
Բելառուսի իշխանությունները պատճառաբանել են, որ հայրենիքում նախկին նախագահին կարող են քաղաքական դրդապատճառներով հետապնդել:
Ղրղստանի Վերահսկիչ մարմինը դիմել է նաև Մեծ Բրիտանիային` խնդրելով իրենց հանձնել Բակիևի կրտսեր որդուն` Մաքսիմին, սակայն Լոնդոնը ոչ մի պատասխան չի տվել:
Հիշեցնենք, որ Ղրղստանի նախկին նախագահ Կուրմանբեկ Բակիևը, որը անցած տարվա ապրիլին հեղափոխությունից հետո լքեց երկիրը, և նրա եղբայր Ժանիշը մեղադրվում են ժողովրդական հուզումների ժամանակ զանգվածային սպանություններ կազմակերպելու համար: Նրանք երկուսն էլ գտնվում են հետախուզման մեջ: Այս մասին հայտնում է ИТАР-ТАСС գործակալությունը:
