Վրաստանի ներքին գործերի փոխնախարար Էկա Զգոլաձեն մամուլի ասուլիսի ժամանակ հայտարարել է, որ Վրաստանի տարածքում սեպտեմբեր-նոյեմբեր ամիսներին տեղի ունեցած ահաբեկչությունները կազմակերպվել են ռուսական հատուկ ծառայությունների կողմից: Նրա խոսքերով, դեկտեմբերի 4-ին Վրաստանում ձերբակալվել է 6 մարդ, որոնք իրականացրել են պայթյունները Վրաստանի տարբեր շրջաններում: Հիշեցնեք, որ վերջերս Լեյբորիստական կուսակցության հարևանությամբ կազմակերպված պայթյունների ժամանակ զոհվել էր մի կին, մի քանի հոգի վիրավորվել էին:
Զգուլաձեն հայտնել է ռուս մայոր Եվգենի Բորիսովի մասին, որը Գոգիտա Արկանիային սպառնացել է իրեն չաջակցելու դեպքում վերացնել վերջինիս ընտանիքը: Արկանիան կազմակերպել է մի խումբ, որն իրականացրել է մի շարք պայթյուններ Թբիլիսիում: Խումբը նաև պայթյուններ է կազմակերպել Արևմտյան Վրաստանում և Թբիլիսիում ԱՄՆ դեսպանատան մոտ:
Այդ խմբի երկու անդամներ, ըստ փոխնախարարի, թաքնվում են Աբխազիայի Գալիի շրջանում: